ஹால் வீடு

சியாட்டிலிலிருந்து 25மைல் தூரத்தில் இருக்கின்றது ஸ்நோகுவாமி அருவி. இதன் உயரம் 270 அடி! கோடை காலத்தில் (ஆகஸ்ட் - அக்டோபர்) வற்றலாக கொட்டும் இந்த அருவி...மழை மற்றும் குளிர் காலத்தில்(டிசம்பர் - மார்ச்) பெருக்கெடுத்து கொட்டும். அருவியை ஒட்டியபடி மலைப்பாதை ஒன்று உள்ளது. மலைப்பாதையில் கீழிறங்கினால், அருவியை அருகிலிருந்து காண ஒரு மேடை வசதி உள்ளது. குளிர் காலங்களில் அருவி பெருக்கெடுத்து கொட்டுவதால்..மேடையிலிருந்து கீழிறங்கமுடியாது! ஆனால் கோடை காலத்தில் ஆற்றில் தண்ணீரின் சீற்றம் குறைந்திருப்பதால் மேடையிலிருந்து ஆற்றில் குதித்து அருவி அருகே சென்று வரலாம்!